Ma c'harantez evit Brest e servij ar c'holektif !
"Me eo Glen Dissaux, rener Brest Asambles evit an dilennadegoù-kêr 2026. Evel kalz a Vretoned em eus beajet ha bevet e lec'h all, e Bro-C'hall hag en estrenvro, ha kement-se n'en deus graet nemet kreñvaat ar garantez am eus evit ma c’hêr c’henidik ! Divizet em eus labourat eno ha bevañ eno gant ma familh. Mennozhioù am eus evit lakaat hor c'hêr da vezañ kaeroc'h c'hoazh, bevoc'h, unanet, plijusoc'h da vevañ enni, peoc'husoc'h."
Dibar ha prizius eo hor buhez lec'hel
Savet on bet en un endro a-gleiz hag ekologel, memes ma ne lavaremp ket e gwirionez : skol bublik, judo, mell-dorn er c’hleuboù lec’hel, hag obererezhioù e patronajoù laik ha Maisons Pour Tous, sevenadur, kouarz, ar porzh, pourmenadennoù war an aod, bistroioù, festoù-noz mod Brest. Pa'z it kuit ac'hann eo e komprenit pegen dibar ha prizius eo ar vuhez lec'hel-mañ.
Kuzulier-kêr evit kêr Vrest on, dileuriad evit an diorren padus, besprezidant meurgêr Vrest e karg eus ar steuñv hin, prezidant dilennidi ar C'hlas eus Brest, ha prezidant Ener'gence,
ajañs lec'hel an energiezh hag an hin.
Goude bloavezhioù a stourm evit ar gumuniezh em eus degaset ur c'hoant bras evit an oberoù foran, ha plijout a ra din-me kalz. Stourm evit an interest hollek, talañ ouzh ar savboentoù, klask kendrec’hiñ, lakaat mennozhioù war-raok, labourat a-stroll, ha dreist-holl, lakaat e pleustr politikerezhioù resis, diskoulmañ an traoù, ober gwelloc’h evit gwellaat buhez an dud.
Enoret bras on o kaout fiziañs an endroourien evit reiñ lañs d’un avantur nevez, da-geñver dilennadegoù-kêr 2026. Hag ar gefridi eo kreskiñ a-gevret, sevel a-gevret ha gounit a-gevret
!
Va santimant eo emañ ar patrom Brest-se, a zo ker din, en arvar. Sklaer ha ledan-tre en arvar gant an endro politikel broadel hag etrebroadel, gant adsavidigezh ar faskouriezh hag an aotrouniezh, met ivez gant an dic’houestl pe an inertiezh tost deomp : ne c’hellomp ket kenderc’hel da goll amzer, da sebeliañ hor fennoù en traezh dirak ar cheñchamant hin hag an dizingalderioù o kreskiñ, da gaout pennaennoù fall, da droukimplij arc’hant ar Stad. Ha n'hellomp ket krediñ e respontimp d'an taolioù-arnod warc'hoazh en ur ober evel m'hon eus graet an deiz a-raok. Ar gwallzarvoud all a vefe un torr, un dro 180° war-du an tu dehou,
liammet ouzh ar surentez, diheñvel, rannañ. N'eo ket hemañ identelezh hor c'hêr.
Ma gredenn don eo prest tud Brest da vont war-raok, da vodernaat, hep nac’hañ an amzer dremenet, gant ur seurt kendalc’husted ha lorc’h da vezañ ar pezh omp, met gant nerzhioù nevez, ambisionoù ha mennozhioù nevez evit an taolioù-arnod nevez a zo dirazomp ha
prientiñ an amzer da zont, gwareziñ ha gwareziñ. Poent eo !